L’evolussion

“Volea vègnar ieri sera...na gran voja ghe n’aveade vardarte recitar!Volea vègnar... ma piovea!”“No, ma varda che iersera, scolta qua, no è mìa piovù!La commedia l’emo fatta!,con le stelle, par de più!”“No impossibile! Su Internetgh’era tute nuvolette!Gh’era scrito che piovea,con burasca, da le sette!”“Ma no, è vegnùda tanta gente”“Tuti quanti co l’ombrèla?!”“No, parché? No piovea mìa”“Sì, va là, cóntela bela!”No gh’è mia gnente da far,no ’l se arrende a l’evidensa!Solo quel par lu l’è ’l mondo,no se pol fàrghene sensa!L’è convinto che par sèrto,sempre lì tacàdo a quelo,sia ’l telefonin la Bibiae ’l so Internet Vangelo!E come lu za tanti altripassa ’l tempo a oci bassisia restando serà in casa,sia fasendo quatro passi...No i te varda gnanca in facia,no i se varda mìga intorno,col telefonin in man...i le studia tuto el giorno!No i s’incorze mìa de un fior,de na nuvola che passa,de un geranio sul balcon,de un che sona la grancassa...El schermeto solo i guarda,concentrati e insemenì,sensa dubbi, ma convintiche sia el mondo tutto lì!Par comunicar coi altrianca un dolor, un sentimento,no i va in serca de parole:gh’è facete in movimento!Una la ride, una la pianze,n’antra g’ha la boca storta,n’antra g’ha la boca dritai oci a croce come morta...Par spiegàr qual, da la simia,la sia stà l’evolussion,un saon l’aveva un giornoteorizà sta solussion:pa’ indicàr el so progresso,l’omo... “erectus” l’ha ciamà!... se ’l vegnesse al mondo adesso el dovrìa dìrghe... “piegà”!... ché ormai l’omo se preparacosì forse a diventar:ritornando indrìo de secoli,sensa gnan’ più ragionar,sensa più vardàr quei altri,oci bassi e un fià gobeto,sensa più sercàr parole,streto streto al so zugheto!