L’ufficio competente

Anca st’ano i n’ha permesso,fra proclami e quattro bale,de tornàr a far teatro proprio dentro a l’Arsenale...E però i n’ha ripetùdo,insieme co la concession:“L’è però l’ultima volta!”... che l’è ormai na tradission:l’è dies’ani che i ne dise:“St’anno... l’ultimo sarà!Poi, qua tutto si trasforma!”(come e quando no se sa...)Fatto sta che par dies’anino i ha fatto proprio gnentepar rendar sto “teatro”un pocheto più accogliente!Pur el posto l’è stupendo!Basta solo un pochetinlì de amor par trasformàrloin gran bel gioielìn!Lori gnanca i è sta boni,da dies’ani fin adesso,de montàrghe par la gentedei servìssi... almanco un cesso!E da barbari i rifiuta’nca de metar zo in plateaquela tribuneta in fondoche sì tanto la serveapar garantìr l’acustica,p’aver “tutto sistemato”,par far po’ da cornìsaa quel spassio smisurato!E i se vanta de “allestìr”sto gran spassio smisuràsol parché i ghe buta un palcocon le asse scalcagnà!E par zonta, con sussiegoe con gran solennità,i ne consegna po’ la ciavede sto posto sbandonàdove po’ in realtà de giornopol entràrghe proprio tuti:vagabondi e fattorini,gentildonne e farabuti...E a la fin de sto “allestire”sensa mai n’allestimento,i se vantarà aver fatto chissà qual investimento!disendo: “Abbiamo speso tanto!”(che ghe sia ’nca chi ghe mangia?)Po’, de quei che fa teatro,i dirà: “Ben, che i se rangia!”E, come in tutti i ani,se rangiaremo un po’ a la bona!,e de tutto ancor faremoparché tutto ancor funsiona...par rivivar con la gentetante, lì, serate bele...par sognàr ancora insiemesotto i albari e le stele...... finché in Comune intanto,a cì no ha fatto gnente,i è ancora lì a ciamàrghe“l’Ufficio competente”!