I doppi incarichi

Se discute in Municipio,e se infiamma tante beghe,par decidar se se possastàr sentà su du careghe...ché tri quatro qua dei nostri,dopo tanto sbattimento,a le ultime elessionii è stà eletti in Parlamento!E gh’è anca el Vice-Sindaco!,za fra i eurodeputati:da Strasburgo o da Bruxèlel se gusta i so mandati...N’antro za ’l ghe l’ha ’nca qua!,pa’ i so denti un duro pan...come fàlo a far el vicestando là così lontan?!“Chieti chieti – el dise – gente!Stàr sentàdo qua l’è un sogno!In du e quatro salto lìallorché sento el bisogno:sento el stimolo, e de paca,sensa tanti pianti greci,mi me sento zo a Strasburgoe da lì fao le so veci!I m’ha eletto e ghe la fasso!Qua in Europa sto da papa!Tosi el vol “la quarta gamba”?Mi g’ho qua la sesta ciàpa!Sié culàte, tri careghe...cosa gh’è da brontolàr?Mi ogni giorno da Strasburgoson za pronto par saltàr!”Po’ gh’è anca l’Assessoreal Sociale e a l’Istrussion:se ’l va a Roma, anca la Giuntala pol far un rebalton!...Ma i so amici adesso i dise:“Anca qua ’l pol star sentà!L’Assessore par Verona el pol farlo anca da là!”Dèsso, è ciàro proprio a tutiche, par far ben un laoro,mejo l’è far quelo solo,e applicarse con decoro!No se pol far ben insiemeel dotor e ’l murador,el salumier e ’l lavapiati,el becàr e ’l professor...Ma par lori un sol incaricodato in sede provincialedato a Roma el pol assùmardimensione... nassionale!... par poderne po’ contàr,sia da Roma o da Verona:no ne importa la carega!ne interessa... la poltrona!