La conferensa sul smog

A la faccia dei alarmisui malàni de l’ambiente,quei che in alto ne amministrai continua a no far gnente!No ghe importa mìa dei ris-ci,del dolor, de l’emergensa...De un qualsiasi ’nterventìni continua a farne sensa!Ma emo ’ntanto passà i limiti,anca in st’ano, giorni e giorni!I cittadini, invelenàdi,i se sente ognor più storni...E gh’è anca cì ha pensàdo,preoccupà da la paura,contro chi dovrìa salvàrneun esposto a la Procura.Ma, siccome che sta pezofòrsi una o due città,l’Assessore (in)competentede gran pressia ha convocàuna conferensa stampa,pa’ anunciàr con disincanto:“Lo dimostrano le cifre!Visto? Abbiamo fatto tanto!”No, el me scusa... come “tanto”?Struca struca ’sa avìo fato?“Dei consigli ai cittadini!E l’invito più appropriato:no impissàr le vecie stùe,o smorsàrle un cincinìn...no lassàr par tanto tempole bresòle sul camìn...Noi non seraremo il traffico!,ché no serve proprio a gnente!Ma le auto che infumentanei garage tenete, gente!”... che ’l sarìa po’ come dir,pa’ impedìr qualche delito,consigliàrghe ai assassini:“Su da brài, fasì pulito!”... o pensàr che a tanti furtise porìa métarghe finesolo andando a dir ai ladri:“Par piaser, basta rapine!”’Nsoma, intanto, a sentìr lu,“L’aria qua non è poi male”!... e l’è ciaro che a sto puntoun giornalista sol normalelì, sentendo na sempiàda così insulsa, così grande dovarìa fàrghe de slanciodu tri semplici domande:“Assessor, ne tollo in giro?Èlo savio? Stàlo mal?O èlo un scherso co la scusach’è rivàdo el Carneval?Hàlo fòrsi magnà massae l’è restà tutto imbugà?Gh’è andà forse de traversoel vedèl co la pearà?”Invesse no i ghe dise gnente...e, con servìl complicità,i ghe lassa dir de tuto,e n’antra volta i n’ha imbrojà!