Sacro e profano

A la Festa parochialeghe sarà – dise el giornàl –“discoteca, balli, messe (!),e cusìna eccessional!”... come se un di-gei balengoel dovesse dir la Messae el Curato cusinàrla polenta e la sopressa...Foto e grandi paginonipo’ ne annuncia fora orarioche i ha vèrto un bel localeproprio a rente al Santuario!e ogni sera el se impenìssedei butèi più imboressà,che po’ i beve, i sìga, i ridefin a notte ben ’noltrà...e in do gh’è scrito “luogo sacro”,nato pa’ orassioni e chiete,la “movìda” scatenàdael silensio la fa a fete!... Fin che l’ultima notissiaza da Zevio la dindona,là in do’ dovarìa la Sagrafesteggiàr ben la Madona!Sarà ospiti, i ne conta,culturisti e ballerine,indossatrici e giocolieri,e cantanti e cantantine...e, nel vivo de la festa,proprio in fine, sul più bello,rivarà la più imporante:una star del spogliarello!La notissia l’è de queleche fa guadagnàr un franco...e de boto i giornalistighe se buta come un branco:i le ingrossa, i le infiocheta...pronto el titolo ad effeto!Fa notissia quando el sacroel se smissia col faceto...Però tanta brava genteresta un poco in confusion,e se dimanda sconcertàda:ma no gh’è più religion?Sa vol dir sta nova moda?Èlo par ciamàr più gente?anca chi dei sacramentino ghe importa ormai più gnente?In attesa de risposta,par la gente in confusionun pensiero el pol giutàrvea catàr consolassion:l’è che in fondo anca Gesù(dai, no stè più darve pena)fra i amissi più sinceriel g’avea... la Maddalena.