La cultura russa!

Se dal caso un dì te trovin’automobile rubàda,prima de restituirlate pol fàrghe na giràda...Heto un dì recuperàdo’n televisor de quei più bei?Te pol metartelo in salae vardàrte i Europei!Se magari a un pensionatoi ghe roba la pension,ma el so ladro po el le perdescapussando in confusion,se te la cati ti par primote pol ’verghe la pensàdade ’ndàr dentro un ristorantee de farte na magnàda!Questo bel insegnamenton’è rivàdo de sti giorni(mai nessun lo imaginava)da la Russia o dai dintorni:l’è da là che a l’improvisona notissia un giorno riva:“Chieti, gente! Emo za tuttarecuperà la refurtiva!”Senonché, po’, visti i quadri:“Ben, però, za che ghe semo,– in t’un atimo i ha dito – quasi quasi se i tegnemo!Dai, tachemoli qua in pressia,questi quadri tanto bei!Se pol far na bela mostra,e ciuciàr un po’ de schei!”E a cì vegneva da Veronade scapon tutto agitài g’ha dito: “Adesso speta!,parché intanto i resta qua!”Par giustificàr l’imbrojoè rivà un ambassadore,che l’ha dito: “No rabiève, non facciam tanto clamore!”L’ha zontà po in grande pompa:“C’è un’identità palesequa fra la cultura russae la cultura veronese!”No l’ha mìa capì nessunocosa mai ’l volesse dir...ma, a pensàrghe su un pocheto,una roba se pol dir:se pensemo ai “quatro sassi”,o po’ al cuèrto de l’Arena,a la lirica copàda,ai teatri sempre in pena,se pol dire po in efeti,soto el naso sensa spussa:la cultura qua a Veronano la dorme ma... la russa!